Секторот за туризам при Општина Охрид откупува фотографии со мотиви од Охрид

Согласно Г2 програмата за поттикнување на развојот на туризмот на општина Охрид за 2020 година, Секторот за Туризам и ЛЕР при општина Охрид објави јавен повик за откуп на фотографии со мотиви од Охрид (културни, историски и природни убавини).

Откупот ќе се реализира преку откупување на фотографии со мотиви од Охрид кои до сега не се воопшто користени за други цели, а максимален број на откупени фотографии од еден понудувач е 10.

Секторот за Туризам и ЛЕР  согласно програмата за 2020 година има определено средства во износ од 150.000,00 денари.

На јавниот повик право на пријавување имаат сите заинтересирани субјекти, правни и физички лица кои се занимаваат со изработка и продукција на фото и видео материјал.

Strugaonline

фото: архива