Струшките кошаркарки со победа се вратија од Кавадарци
Екипата на ЖКК Струга 2009 на гостински терен во Кавадарци ја совлада екипата на ЖКК Пробаскер со резултат 63-79 (13:11;22:28;04:18;24:22). Најдобра во нашата екипа беше Лее со неверојатен учинок од 38 поени, 14 скокови, 3 асистенции и четири освоени топки.
Стојаноска ја следеше во чекор со 12 поени, 6 скокови и неверојатни 18 асистенции. Модева постигна 9 поени и 10 скокови, Муртази 13 поени и 5 скокови, Бическа 4 поени и 5 скокови, а Кукунешоска 3 поени и пет асистенции. Во редовите на домашната екипа најдобри беа Стоева со 20 поени и Атанасова со 19 поени. Во следното коло, струшките кошаркарки на домашен терен го пречекуваат актуелниот шампион Бадел од Скопје.
Strugaonline
