Копретседателот на здружението на Бугарите во Македонија „Шемето“ Бекир Кадриески бил претепан од едно лице во Струга.
Кадриески за бугарскиот портал Нова изјавил дека бил соборен на земја и бил клоцан. Бил удиран и со раце, а навредуван бил по етничка основа со зборовите „валкан Бугарин“. Кадриески е македонски државјанин и не поседува бугарски пасош, но изјавува дека има бугарски идентитет.
СВР Охрид соопшти дека настанот во полиција бил пријавен во 12 часот и 15 минути.
На 13-ти јуни 2023 година, во 12:15 часот, во ОВР Струга пријавено е дека, во близина на спортска сала лоцирана на улицата „Боро Хаџиески“ во Струга, А.Н. од струшкото село Велешта го нарушил јавниот ред и мир со физички напад врз Б.К.од селото Лабуништа.
– Се преземаат мерки за расчистување на настанот по што, ОВР Струга ќе поднесе соодветна пријава, информираат од СВР Охрид.
Извор: Нова/СВР Охрид
фото: Нова
Facebook Коментари