Во недела, на 13-ти август со почеток во 20:00 часот, кај Спомен обележјето на Живко Чинго, во атарот на црквата „Св. Петка“ во Велгошти ќе се одржи културната манифестација „Вечер на Живко Чинго“.
Според објавената програма, предвидено е полагање на свежо цвеќе пред спомен-обележјето на Живко Чинго, обраќање на претставник на Општина Охрид, доделување на наградата за најдобар расказ, кратко обраќање на добитникот на наградата Иван Антоновски, како и културно-уметничка програма. Ќе биде изведено и делото „Чинго во песните“ во интерпретација на Валентина Божиновска, како и музичко-сценски изведби на Петар Паскали, Петар Кочовски, Филип Темелковски, Христијан Чавкоски, Ангел Трајковски, Вања Танковски, Билјана Буџакоска и Танцов клуб „Соната“, информираат организаторите.
Носители на одбележувањето се Општина Охрид, МЗ Велгошти, НУ Библиотека „Григор Прличев“, ОУ „Живко Чинго“, како и Комисијата за одбележување празници и манифестации и доделувања награди и признанија.
Strugaonline
фото:aрхива
Facebook Коментари