На 16-ти септември започнува третата Меѓународна едриличарска регата „International Ohrid Sailing Regatta”

На 16-ти и 17-ти септември во организација на Здружението за спортско едрење „Акватика Јахтинг”- Охрид, поддржано од ЕФМ и Општина Охрид, ќе се одржи III-та Меѓународна едриличарска регата „International Ohrid Sailing Regatta”.

На регатата ќе учествуваат  клубовите Ј.К. Палиќ, Бродарски клуб Металац Смедерево, Ј.К.Смедерево од Србија, Централен Софиски Јахт клуб од Бугарија, GKZ(ГКЖ) од Полска и Е.К. Снегар и Акватика Јахтинг од Македонија(се чека потврда за учество и од клубови од Црна Гора и Грција). Учесниците ќе се натпреваруваат во класите Оптимист, ILCA 4 и класата 470. Ќе се едри на регатното поле Градско пристаниште-Канео-Горица 1.

Организаторите ги повикуваат сите заинтересирани да ги следат настаните од просториите на Здружението за спортско едрење „Акватика Јахтинг”- Охрид, или од Градското пристаниште како и од плажата Горица 1 „кј Дивоно“.

Strugaonline