Еколошка акција ,,Гласот на крајбрежјето“ утре во Струга

Со еколошката акција ,,Гласот на крајбрежјето“, Europe House-Струга утре ќе го одбележи Светскиот ден на заштитата на животната средина.

 Еко- акцијата  е дел од greendeal, а целта е да се исчистат плажите и самото езеро.

Како што најавуваат организторите, во оваа акција ќе соработуваат уметници, волонтери и нуркачи.

-Собраниот отпад ќе го рециклираме и со помош на уметниците и волонтерите ќе се обидеме да создадеме сценографија за театарска претстава за деца и млади, насловена „Океанија“.-соопштија од Јуроп Хаус.

Додаваар дека сите заинтересирани кои сакаат да учествуваат во чистењето, можат да се пријават во порака на Facebook страницата на Europe House.