АППТ денес во Струга учествуваше на панел дискусија посветена на одбележувањето на Денот на Југозападниот плански регион
Денес, во просториите на Europe House Струга, на покана на Центарот за развој на Југозападен плански регион, Валентина Переска, претставник на Агенцијата за промоција и поддршка на туризмот, учествуваше на панел дискусија посветена на одбележувањето на Денот на Југозападниот плански регион.
Тема на настанот беше „Влијанието на рамномерниот развој, пристап кон одржлив урбан и рурален развој на општините“, а 9-те општини ги споделија предизвиците со кои се соочуваат на патот кон градење на конкуретни туристички дестинации.
Секоја од овие општини носи уникатни искуства, кои преку координиран пристап помеѓу општините, но и со другите релевантни институции ќе придонесат кон искористување на позитивните искуства и одржлив развој на туризмот.
Развој на алтернативните форми на туризам и креирање на регионална туристичка понуда, се чекорите кои ќе го водат регионот кон намалување на сезоналниот карактер на туризмот, баланс помеѓу потребите на современиот турист и економскиот и општествениот развој, со зачувувањена животната средина и културно историското наследство.
Регионот има огромен туристички потенцијал да продолжи да биде носител на туристичките текови во Македонија, кој со заедничка работа и иновации ќе продолжи да расте и да се развива.
Заедничка е констатацијата дека одржливиот туризам е нашата иднина, нашиот следен чекор во развојот на дестинациите, бидејќи има огромни придобивки за животната средина, општеството и локалните заедници.
StrugaOnline
