Општина Струга најави акција за отстранување на тезгите и урбаната опрема со истечени дозволи

Општина Струга во наредните денови ќе спроведе акција за чистење на градот и ослободување на јавните површини од урбана опрема за која е истечена дозволата за користење.

Од локалната самоуправа ги повикуваат сите сопственици на тезги и друга урбана опрема поставена на јавни површини, на кои им е истечена дозволата, навремено да ја отстранат опремата.

Во спротивно, опремата ќе биде отстранета од страна на Општина Струга, информираат од општината.

Акцијата има за цел да се ослободат јавните површини и да се придонесе за почиста, поуредена и попристапна градска средина, во интерес на сите граѓани.

Од Општина Струга упатуваат апел до граѓаните и сопствениците на урбана опрема да соработуваат и заеднички да придонесат за одржување на јавниот простор, нагласувајќи дека јавните површини им припаѓаат на сите и треба да бидат слободни и пристапни.

Локалната самоуправа бара разбирање и почитување на правилата за користење на јавните површини, со цел градот да биде почист, поуреден и попристапен за сите жители и посетители.

StrugaOnline