Со строго почитување на сите мерки за заштита од вирусот ковид 19, но со свечена и достојна атмосфера, денеска во Струга се одржа традиционалната Литија ( Еродија)
Со оваа ѓурѓовденската литија Струга му се поклонува на патронот Победоносец и Великомаченик Ѓорѓи.
Со чудотворната икона и моштите на светителот донесени од манастирот во Рајчица и годинава е осветен градот на мостовите.
7-ми мај е посебен ден за стружани. Во нормални услови (пред пандемијата) во Струга на овој ден доаѓаа илјадници граѓани од цела Македонија и ја чувствуваа благодетта, радоста и љубовта што ја носи Литијата .
Низ улиците , моштите од Свети Георгиј Победоносец и чудотворната икона поминаа со братството и сестринството од Бигорскиот и манастирот во Рајчица, без оркестарот и традиционалните торжества. Верниците го испочитуваа апелот на надлежните да не се движат во толпата. Пред моштите се поклонија од балконите и тротоарите со почитување на мерките за заштита, држење растојание и носење заштитна маска.
Strugaonline
фото: Јован Јаулески
Бојан Белевски
Facebook Коментари