ЏК „Дрим“ Струга со бројни медали на Државното првенство во Скопје

Во спортската сала Јане Сандански во Скопје се одржа Државното првенство во џудо, настан кој донесе врвни борби, силна конкуренција и извонреден натпреварувачки дух. Меѓу најзабележителните клубови беше Џудо клуб „Дрим“ Струга, чии натпреварувачи остварија одлични резултати и освоија бројни медали.

Во категоријата пионери и пионерки, златни медали освоија Елеонора Јосифоска, Дариан Ночески, Давид Спироски и Енил Ајдиноски. Со сребрени одличја се закитија Мишела Јаулевска, Матеј Димитроски, Мунир Ајдински и Дамјан Пејоски, додека бронзени медали освоија Софија Ноческа и Даниел Јосифоски.

Успешен настап имаа и сениорите, каде Анамарија Стојмиловска освои злато, Андреј Симоноски сребро, а Драгица Рафтоска, Амар Бајрамоски и Андреј Чакаровски се закитија со бронзени медали.

Од клубот истакнуваат дека овие резултати се плод на долготрајна работа и посветеност:

„Со гордост можеме да кажеме дека овој настап е резултат на континуирана работа, дисциплина и голема желба за успех. Секој освоен медал е доказ за вложениот труд, но и мотивација за уште поголеми достигнувања во иднина. Честитки за сите натпреварувачи за прикажаната борбеност и срце на татамито, како и голема благодарност до тренерите и поддржувачите кои се секогаш зад нив. Ова е само уште еден чекор кон нови победи и уште поголеми успеси“, велат од Џудо клуб „Дрим“ Струга.

Настапот на стружани уште еднаш потврди дека клубот е меѓу водечките во државата и дека со вакво темпо може да се очекуваат уште поголеми успеси на домашната и меѓународната сцена.

StrugaOnline