Синоќа во галеријата при Н.У Центар за култура ,,Григор Прличев“ во Охрид, во рамки на 62-то издание на Меѓународниот фолклорен фестивал ,,Балкански фестивал“ беше отворена изложбата ,,Од Љубанишча до Дебор“ од Љупчо Милошески.
,,Чест и задоволство ми е што од промоцијата на монографијата до денеска, нејзината убавина и важност е препознаена од трите Републички фестивали во Македонија- ,,Илинденски денови“ во Битола, ,,Пеце Атанасоски“ во Прилеп и синоќа на ,,Балкански фестивал“ во Охрид. Задоволен сум од посетеноста и верувам дека истата секојдневно ќе расте со оглед на тоа дека изложбата е отворена до 10-ти јули.“-изјави за Strugaonline, авторот Љупчо Милошески.
Изложбата ,,Од Љубанишча до Дебор“ освен на споментатите фестивали е презентирана и во Струга, Гевгелија, Неготино, Кавадарци, Кратово, Крива Паланка и Вевчани, како и на фестивалот на народна носија ,,Бисерна Грана“ во Нови Сад, Србија.
Strugaonline
Facebook Коментари