Во минутите посветени на македонската музичка сцена, во денешното издание на емисијата Play cafe на Play radio ја промовиравме новата песна на Мето Ди Флеш „Позитивни Негативно“. Песна која ги опишува последниве две години кои ги живееме во време на пандемија. Мето е комплетен автор односно кант автор на песната, спотот го изработи Мухамед Манте.
,,Од состојбата со пандемијата што трае веќе две години, инспирацијата за оваа песна дојде во еден издив. Понекогаш ми треба повеќе време за да напишам текст, овој пат и текстот дојде одеднаш. Пандемијата наместо да нѐ зближи – нѐ раздели, во времето кога имаше карантини, единствен начин на комуникација ни беа социјалните мрежи, а таму за жал видовме дека има луѓе кои наместо сплотеност и разбирање, си делеа негативни коментари меѓу себе. Сето тоа ме инспирираше да ја испратам главната порака – да бидеме позитивни во духот, со негативен PCR тест. Сакам ова да заврши и да се вратиме на старото нормално, да се дружиме и да се забавуваме. ,, – изјави Мето Ди Флеш за Плеј радио.
Тој и овој пат работеше со добро позната екипа , но и со online музичари.
Facebook Коментари