Заматеноста на водата за пиење во Струга предизвика многу реакции од јавноста. МЈП „Проаква“, од друга страна излезе со соопштение во кое ги објаснува причините за настанатиот проблем.
– Во изминатиот период подолго време немаше врнежи па затоа и нивото на водата во изворите и во резерварите падна на критична точка. Во изминатите две недели оваа ситуација се промени каде што сме сведоци дека имаше огромни количини на дожд и со ова и огромни количини на вода која излегуваше од изворите директно во резерварите со голема сила, која предизвика физичка заматеност на водата и не ни остави простор за реакција и превенција за да не се случи ова. Ова заматеност не е поради нехлорирање или нетретирање на водата туку едноставно природен процес низ кој поминува нашата вода и кој се случил многу пати низ годините во вакви ситуации на голем дожд после голема суша.
Нашите екипи веќе се на терен и постојано работат да ja симнат оваa заматеност на нула за да нема никаква пречка граѓаните да ја користат нашата вода за сите нивни потреби. Водата е постојано хлорирана и квалитетно одржувана во сите критични и некритични точки и ситуацијата ќе се доведе во нормала во најбрз можен рок. – стои во соопштението.
Од МЈП Проаква бараат разбирање од граѓаните и велат дека 24 часовно работат и се борат со човечкиот и природниот фактор за да обезбедат чиста и квалитетна вода.
Strugaonline
Facebook Коментари