Со низа активности поддржани од Владата на Република Северна Македонија, Агенцијата за млади и спорт и Центарот за јавно здравје денеска во Охрид и неколку градови во државава се одбележува Светскиот ден на физичката активност.
Во рамки на одбележувањето, Општина Охрид заедно со Сојузот на училишни спортови и спортски клубови од градов организираше спортски активности што се одржуваат на Кеј „Македонија“ Спортувањата се одвиваат согласно протоколите за КОВИД 19. Предвидените спортски дисциплини се: атлетика, боречки вештини, аеробик и зумба, пинг- понг, возење скејт, ролери и велосипеди. Денеска се одржува и планинарска тура од Охрид до над с.Велестово и назад.
Целта на одбележувањето на Светскиот ден на физичката активност е да се укаже на важноста од спортувањето и рекреативните активности кои обезбедуваат здрави животни навики. Спортот и спортувањето се индикации за здрав и културен живот. Потребно е секојдневно движење и спортување независно од возраста и полот со цел да се одржи сопственото здравје и психомоторната способност на луѓето.
Strugaonline
Facebook Коментари