Петтото, јубилејно издание на фестивалот ДримОН ќе се одржи во периодот од 26-ти до 30-ти јули на летната сцена во Струга.
Најавена е богата концертна и дј програма, Паратисима ликовен павиљон, aртивистички павиљон, летно кино, театарски претстави за деца и возрасни, зелени креативни работилници и активистички предавања за деца и млади. Организаторите на фестивалот велат дека бројни партнери и соработници застанаа да го поддржат 5тото издание и овозможија одлична програмска селекција од современата уметничка сцена во релација со приоритетни каузи за подигнување на граѓанскиот дух.
Оваа година ДримОN застанува зад каузите „Со селекција против депонии“ – артикулирано преку програмата на Зелената Чил Аут зона и „Учество на жената во јавните политики“ како трансферзала во дискурзивно уметничката селекција на фестивалот.
Тимот на фестивалот, заедно со своите партнери и соработници носи преку 40 учесници и дваесеттина настани.
Извор:Strugaonline\ДримОН
Facebook Коментари