Центарот за лица со интелектуална попреченост ,,Порака нова“ слави 37 години постоење. Исто толку стручниот тим соодветно се грижи за своите штитеници и преку илјадници проекти работи на активна инклузија на лицата со попреченост во општествениот живот.
,,Седумнаесет години сум дел од оваа приказна и ја застапувам мисијата на ,,Порака нова“. Милион насмевки и прегратки ми го стоплиле срцето и ме мотивирале да се вложам уште повеќе. Не е лесен ниту еден предизвик со кој се соочувам заедно со тимот , но, ништо не може да не’ застане. Колку повеќе луѓе ќе ни се придружат, толку сме посилни.,,- вели Анита Гагоска, генерален секретар во ,,Порака нова“-Струга.
Според неа, најважно за овој Центар да функционира уште подобро е отвореноста на институциите.
,,На прво место е поголемата соработка со институциите, нивна поголема отвореност. Институциите треба да не’ гледаат како соработници, а не како закана и конкуренција. Потреба е отвореност од страна на бизнис секторот за вработување на лицата со посебни потреби , а и за соработка и општествена одговорност. Потребна е и поголема пристапност на јавни површини и објекти и секако , луѓе со иновативни идеи кои сакаат да допринесат во остварување на мисијата на ,,Порака нова“ и со истите тие идеи да се самовработат. -потенцира Гагоска во изјава за Play radio и Strugaonline.
Овој Центар брои повеќе од 200 директни корисници, а има повеќе од 500 членови. Дневниот центар во ,,Порака нова“ функционира седумнаесет години , а ресурсниот центар десет. Во изминативе години, има сотици донатори и поддржувачи, исто толку и волонтери и практиканти. Во рамките на центарот има повеќе од триесет корисници за кои ,,Порака Нова“ успешно посредувала при нивно вработување.
Сите заедно прават посветен тим, чувар на правата на лицата со интелектуална попреченост.
Извор: Strugaonline
фото: архива/Play radio
Facebook Коментари