Како дел од активностите за одбележување на Денот на ретките болести, во Охрид ќе се одржи проекција на филмот „Лицата на Лафора“.
Настанот ќе се одржи во петок, 22-ри февруари, со почеток во 18:00 часот во Јавната научна установа Институт за филм – Филмска Академија Охрид. На проекцијата ќе присуствува и режисерот на филмот Денис Бојиќ, со кој присутните, по проекцијата, ќе имат можност за разговор и дискусија.
„Истиот ден по завршувањето на проекцијата на филмот чест ни е да ве поканиме во Ноќниот клуб „Хавана“ на забава да ги обоиме нашите лица со боите на ретките болести и со тоа да го дадeме својот придонес во глобалниот настан @RareDiseaseDay.“ – велат организаторите.
Одбележувањето на 12-то издание на Денот на Ретките болести ќе се случи на 28-ми февруари 2019 година. Бидете и вие дел од интернет кампањата – обоете го вашето лице со боите на Ретките болести и покажете ја вашата поддршка за заедницата на Ретки болести! Покажи ја твојата реткост. Помогни во подигање на свеста за Ретките болести. Биди дел од кампањата #ShowYourRare во текот на месец февруари.
Објавете фотографија на било која социјална мрежа од вашето обоено лице и во објавата вклучете ги препознатливите ознаки #ShowYourRare, #MyRare или #RareDiseaseDay. Споделете индивидуална слика или слика со вашите пријатели, семејство или соработници. Денес, 300 милиони луѓе живеат со ретка болест. Постојат над 6,000 различни дијагнози, што значи ретките болести и не се толку ретки. Изразете поддршка на заедницата за Ретки болести покажувајќи ја својата реткост. Со вашата помош, се подига свеста и се зголемува можноста за изстражувања. Единствена помош на Ретките се истражувањата. Покажете ја вашата поддршка!
Strugaonline
Facebook Коментари