Во организација на група млади луѓе предводени од Артим Усеиновски и Садетин Мустафовски , вчера на градскиот плоштад во Струга се одржа хуманитарна акција за настраданото население во Турција и Сирија.
Стружани се покажаа хумани, организаторите информираат дека е собран еден полн камион со храна, вода и облека.
,,Голем број граѓани дојдоа на градскиот плоштад во Струга и донираа, сите во рамки на своите можности. Среќен сум што донаторската акција беше успешна и ќе придонесе барем малку за помош на настраданото население од силниот земјотрес во Турција и Сирија.,,-изјави за Strugaonline , Садетин Мустафовски.
Струшката фирма за транспорт ,,Павелит“ донациите од Струга ги транспортираше до Скопје, а деновиве истите ќе бидат транспортирани до погодените подрачја.
Strugaonline
Facebook Коментари