До 15-ти септември траат уписите во Студио за танц „БАХ“ за сезона 2024/2025 година.
Како што информираат од студиото, заинтересираните кандидати можат да се пријавуваат на телефонскиот број 078 447-530, или лично во просториите на Студиото за танц БАХ, во Центарот за култура Браќа Миладиновци – Струга, секој работен ден од 16 до 20 часот.
–Ве молиме почитувајте го уписниот рок, бидејќи се работи по одредени програми и децата треба да ги следат часовите од сам почеток. Повелете, влезете во светот на танцот, заедно со најдобрите, ви гарантираме дека ќе се вљубите и ќе бидете наше семејство засекогаш. Ве очекуваме!-стои во соопштението.
Право на пријавување имаат деца од шест години нагоре, а ќе се формираат четири групи во зависност од возраста: мини, деца, јуниори и сениори.
-Низа научни истражувања ги докажуваат позитивните психофизички придобивки од танцот. Балетското студио ,,БАХ“ ви овозможува да ги почувствувате сите благодети што ги носи танцот, стекнувањето самодоверба и дисциплина како и непроценливото искуство од настапи на сцена-потенцираат од БАХ.
Strugaonline
Facebook Коментари