Во мај упис на првачиња

Струшките основни училишта ги објавија огласите за упис на првачиња во новата учебна 2026/2027 година.

Во прво одделение можат да се запишат сите деца родени во 2020 година, кои до крајот на годинава ќе наполнат шест години, како и деца родени заклучно со 31. јануари 2021 година по претходно барање на родител/старател и добиено мислење од училишната стручна служба.

Од документи родителите/старателите треба да обезбедат копија од извод од матичната книга на родените и од лична карта од еден родител/старател, медицинска потврда за примени задолжителни вакцини кај детето, како и потврди за извршен стоматолошки и офталмолошки преглед кај детето.

Документите се доставуваат во соодветното училиште, почнувајќи од понеделник, 4-ти, заклучно со 30-ти мај 2026 година.

StrugaOnline