Денеска се регистрирани 364 нови случаи на ковид 19 во земјава, соопшти министерот за здравство Венко Филипче на денешната прес конференција.
Тој потенцираше дека поради есенскиот бран и големиот број на случаии во последниве денови, Комисијата за заразни болести предлага нови мерки: Забрана на поголеми семејни собири односно групирање во домовите. Бројот на лица кои ќе може да се прима дома да биде ограничен на четворица.
Комисијата предлага и забрана за групирање на јавен простор на отворено после 22:00 часот. Максимум заедно можат да бидат до 4 лица, со што, како што рече министерот, ќе се спречи собирање на младите по паркови и друг јавен простор.
Маски ќе се носат задолжително и во отворен и во затворен простор, исклучок од ова правило ќе има за спортување , во приватно моторно возило доколку се возите со членови на семејството или сами. Со почитување на мерките за заштита, маски нема да се носат и во кафулиња.
Задолжителното носење маски нема да важи и за деца до шест години.
Strugaonline
Facebook Коментари