ЈП ,,Еремија“ Вевчани информира дека во тек е акција за утврдување на диви приклучоци на водоводната мрежа.
Од претпријатието потенцираат дека со дивите приклучоци се нанесува директна штета на системот за водоснабдување и на квалитетот на водоснабдувањето на сите корисници во општина Вевчани.
Од ,,Еремија“ апелираат и ги повикуваат граѓаните на одговорно однесување, отстранување на дивите приклучоци и регуларно поднесување на барање за водоводен приклучок доколку за тоа има потреба.
,,Поради горе-наведеното, односно за заштита на системот за водоснабдување, се спроведува оваа акција чија цел е да ги заштитат граѓаните кои редовно и регуларно ги извршуваат своите обврски кон ЈП ,,Еремија“,,-додаваат од таму.
Дивите приклучоци се забранети со закон ( член 23 од законот за водоснабдување).
Од ,Еремија“ информираат дека неотстранет див приклучок носи покренување на прекршочна постапка за сторено кривично дело согласно законот за водоснабдување, член 37.
Strugaonline
Facebook Коментари