Законот за туристичка дејност дава можност граѓаните на нашата држава, кои се полнолетни и имаат најмалку средно образование, да се стекнат со лиценца за туристички водич и придуржник и на овој начин да ги презентираат природните и антропогените (културните) атракции, историјата, уметничките, етнографските и други знаменитости на државата или градот/селото како туристички дестинации (член 39).-соопштуваат од Општина Струга.
По добивањето на лиценцата, овие водичи или придружници се должни да бидат запишани во регистарот на туристички водичи и придружници во соодветната општина каде што имаат адреса на живеење (член 48-а).
Врз основа на ова, во општина Струга во Регистарот на туристички водичи и придружници моментално се пријавени 16 лица, списокот на туристички водичи е јавен и се наоѓа на официјалната веб-страница на општината. Со цел сите субјекти заинтересирани од областа на туризмот да имаат пристап и да имаат можност да ги контактираат и да ги ангажираат за туристички насоки.
Општина Струга апелира останатите водичи кои имаат лиценца, а не се запишани во општинскиот регистар, да ја исполнат оваа законска обврска – да се евидентираат во овој регистар и да продолжат со практикувањето на оваа благородна дејност.
Facebook Коментари