Во организација на општинската организација на Сојузот на борци од Струга, делегација предводена од претседтелот Ајредин Мемеди, потпретседателот Ванѓел Наумоски и секретарот Никола Попоски, положија цвеќе на споменикот на паднатите борци од НОБ во центарот на градот.
Во делегацијата имаше и претставници од Општина Струга, претставници на опоштинските партиски организации и почитувачи на делото на Тито, делегација на ЗП Струга предводена од претседателот Милорад Трпоски и голем број граѓани на Струга и струшко, кои положија свежо цвеќе на Споменикот на револуцијата.
Свеченото одбележување кое беше по повод 79 годишнината од Денот на победата на фашизмот 9 мај, како и Денот на Европа и во Струга се одбележа, со полагање цвеќе и читање на реферат пред споменикот на револуцијата во Струга, од страна на претседателот на Боречката организација Ајредин Мемеди.
9 Мај е светски празник и неговото одбележување со другите земји од антифашистичката коалиција претставува голема свеченост. И Република Македонија и Струга како дел од таа антифашистичка коалиција даде свој влог во победата над фашисзмот, затоа граѓаните на Струга и Струшко имаат голема заслуга за светскиот мир и треба да го празнува овој ден, историското значење на антифашистичката војна и 9 Мај –Денот на победата и Денот на Европа.
Во тешко извојуваната слобода на македонскиот народ, животите ги загубиле повеќе од 24 000 борци, од кои 163-ца биле стружани.
Текст и фото: Стојан Кукунешоски
Facebook Коментари