Начин на користење на повратните Вендинг машини на Пакомак кој ги има и во Струга
Прв чекор е превземање на Екомакапликациијата од PlayStore или AppStore – ПАКОМАК. Внесете го Вашето име, презиме, емаил адреса и креирајте лозинка.
Во инбокс на Вашиот маил, за неколку секунди ќе Ви стигне маил за потврда на регистрацијата.
Со тоа, креирате Ваш профил и апликацијата е спремна за користење.
Со секое отварање на апликацијата се појавува баркод, со кој можете да ја користите машината и да селектирате пластични шишиња и лименки. Баркодот треба да се доближи до местото за скенирање на машината, и кога машината ќе даде потврден звучен сигнал, тоа значи дека Вашиот код е успешно прочитан. Машината е спремна за користење. Можете да започнете да ставате шишиња или лименки во машината, со дното секогаш свртено нанапред.
Со секое селектирано шише или лименка, добивате зелени поени, кои се префрлаат на Вашиот профил, најдоцна за 24 часа.
Тие зелени поени можете да ги замените за ваучери, кои можете да ги најдете на Вашата апликација. За да купите ваучер, го бирате истиот на Вашата апликација и притискате ПЛАТИ. Ваучерите можат да бидат искористени за разни услуги, сервиси или донации. Ако сакате да искористите ваучер за пазарење во маркет, треба да притиснете на ваучерот и да го приложите на каса баркодот, кој ќе се појави на екранот.
Колку повеќе селектирате, толку повеќе добивате.
Во Струга пак повратните вендинг машини се наоѓаат во KAM MARKET во Генц Дуа Мол и во Маркет Миса на ул. „Димитар Влахов“.
НАПОМЕНА: Пред да го скенирате баркодот на вендинг машината, секогаш внимавајте екранот да Ви е целосно осветлен, во спротивно, можно е машината да не го чита баркодот.
StrugaOnline
