Дизелот поевтинува за 2,5 денари, а бензините поскапуваат за два денари за литар

Цената на дизелот од ноќеска на полноќ се намалува за 2,50 денари за литар, а на бензините ЕУРОСУПЕР БС-95 и ЕУРОСУПЕР БС-98 се зголемуваат за 2,00 денари за литар. Малопродажната цена на Екстра лесното масло за домаќинство се намалува за 1,00 денар за литар, соопшти Регулаторната комисија за енергетика (РКЕ).

Согласно Одлуката ЕУРОСУПЕР БС-95 ќе се продава по цена од 82,50 денари за литар, ЕУРОСУПЕР БС-98 за 84,50 денари, ЕУРОДИЗЕЛ (Д-Е V) за 91,50 денари, додека Екстра лесно масло за домаќинство за 96,00 денари.

Малопродажната цена на Мазутот М-1 НС се зголемува за 0,368 ден/кг. и ќе се продава по цена од 46,656 денари за килограм.

StrugaOnline