Поради компликации од вирусот ковид 19, почина маестро Зоран Џорлев, еден од најдобрите македонски виолинисти, вокален изведувач и професор.
Џорлев е роден во Струмица на 10 јануари 1967 година. Уште во раното детство, во Струмица, започнал да свири на труба, хармоника и гитара. Во 1977 година почнал да свири на виолина. Во 1989 дипломирал виолина на Факултетот за музичка уметност. Познат е по обработките и изведувањето на македонските народни и забавни композиции, обработки на филмски, џез, етно теми. Работел како професор по виолина, а беше и директор на ДМБУЦ Илија Николовски-Луј во Скопје. Во јануари 2011 беше назначен за директор на ансамблот за народни игри и песни „Танец“, каде остана до август 2017 година.
Facebook Коментари