Селекцијата на Данска ја одбрани титулата светски шампион откако синоќа во финалето во Стокхолм ја совладаа Франција со 34:29.
Ракометарите на Данска водеа од самиот почеток на натпреварот, нивното водство варираше но цело време успеваа да ја држат предноста. На крајот на првото полувреме резултатот беше 16:15. На почетокот на вториот дел французите израмнија на 16:16. Данците потоа повторно поведоа и постојано одржуваа предност од 2-3 гола разлика, а на крај славеа со пет голови разлика (34:29).
Данска со синоќешната победа трет пат по ред е светски првак во ракомет. Шампиони претходно беа на Мундијалите во 2019 и 2021 година и воедно е и првата репрезентација на која и успеало три пати последователно да биде на тронот.
Facebook Коментари