Ѓорѓи Голабоски и Никола Голубовиќ следната година ќе бидат кумови на „Водици“ во Струга

- Локални
455

На денешната манифестација „Водици 2019“ откако среќниот Цветко Митрески го фати Чесниот Крст во водите на реката Црн Дрим, беше упатена благодарност овогодинешниот кум Стефан Томаноски и беше презентирана информацијата дека за следната година кумството ќе го преземат Ѓорѓи Голабоски и Никола Голубовиќ-Ричоти.

Да се биде кум на чинот на спуштање на крстот и осветувањето на водите на реката Црн Дрим е голема чест, а кумот или кумовите имаат обичај да го даруваат капачот кој успеал да го фати Крстот.

Инаку, манифестацијата „Богојавление Водици“ и годинава помина во одлична атмосфера, а верниците после завршување на свечената церемонија од кејовите се упатија во угостителските објекти во Струга и продолжија со празнување.

На овој празник, на поздравот „Бог се јави“ се возвраќа со поздравот „Навистина се јави.“

Извор и фото: Strugaonline

Facebook Коментари