Група ученици од СОУ „Нико Нестор“ пронајдоа иновативно решение за намалување на аерозагадувањето

- Локални
467

СОУ ‘„Нико Нестор” повторно меѓу најдобрите. Од вкупно педесет апликанти кои имаа задача да понудат иновативно решение за намалување на аерозагадувањето, учениците Ана Наумоска, Георгина Ристеска, Борче Настески, Димитар Мареноски и Петар Кицески под менторство на професорката Светлана Ѓуроска беа избрани во најдобрите десет и присуствуваа на тридневна работилница за социјално претприемништвото на која ги развиваа своите иновативни решенија за намалување на загадувањето на воздухот.

Настанот беше организиран од CEED hub, UNICEF, Фондот за иновации и технолошки развој и Министерството за образование и наука. По завршувањето на обуката, тимот во следните три месеци ја реализираше својата идеја – Сончева Клупа или Sunny Bench. Истата се состои од два соларни панеликои акумулираат сончева енергија. Истата подоцна се претвора во енергија компатибилна за напојување на мобилни уреди преку 6 УСБ порти поставени на конструкцијата на самата клупа, но и лед улична светилка. Истата е поставена во дворот на училиштето СОУ Нико Нестор.

„Целта на.овој проект е да се подигне свеста кај општествените чинители и граѓаните за значењето на искористувањето на алтернативните извори на енергија со што би се намалило загадувањето.“ – објаснуваат учениците кои ја реализираа оваа идеја.

Strugaonline

Facebook Коментари