Сопствениците и издавачите на педалинки денеска во Струга одржаа протест преку кој го изразија незадоволството од одлуката која ја донесоа Советниците на Општина Струга и градоначаникот Рамиз Мерко за забрана за издавање и користење на педалинки ова лето на струшкото крајбрежје.
Околу одлуката за забрана за педалинки Мерко претходно изјави дека тоа е правична одлука на Советот и им честиташе на Советниците. Мерко потсети дека секоја туристичка сезона за жал има губење на човечки животи, посебно помлади кои доаѓаат на екскурзија во Струга. Градоначалникот рече дека со изнајмување на педалинки на туристите, неколку граѓани кои можеби немаат ниту фирми за педалинки изминативе години создавале профит, а до сега немале никаква одговорност. Toj во претходна изјава за медиумите потенцираше дека ваквите случки ќе се спречат токму со ваквата одлука на Советот.
На денешниот протест, издавачите на педалинки ги негираа тврдењата на градоначалникот, тие сметаат дека користењето на педалинки не е причина за смртност на капачите и исто така потенцираа дека работат легално и имаат соодветна документација. Исто така, се пожалија дека голем дел од нив долги години живеаат од овој бизнис. На протестот издавачите и сопоствениците на педалинки информираа дека веќе потпишуваат петиција за укинување на забраната за педалинки.
Strugaonline
Фото: aрхива
Facebook Коментари