Марија Дузлеска освои Втора награда на меѓународен натпревар за дувачки инструменти во Црна Гора

Младата флејтистка Марија Дузлеска освои Втора награда на Вториот меѓународен натпревар за дувачки инструменти, кој од 7 до 11 мај се одржа во Тиват, Црна Гора.

На престижниот музички натпревар учествуваа околу 200 натпреварувачи од Црна Гора, Србија, Босна и Херцеговина, Хрватска, Словенија, Северна Македонија и Русија, а младите музичари се натпреваруваа во повеќе категории и дисциплини.

Марија Дузлеска настапи во категоријата за ученици родени 2009/2010 година и во силна меѓународна конкуренција успеа да освои висока Втора награда.

Таа е ученичка во ДСМУ „Тодор Скаловски – Тетоец“ – дисперзирани паралелки во Струга, во класата на м-р Светлана Богданоска Ристоски.

Комисијата за дисциплината флејта беше составена од еминентни професори и уметници: Матеј Зупан од Словенија, Марина Ненадовиќ од Србија, Страшо Темков од Македонија и Бруна Матијевиќ од Црна Гора.

StrugaOnline