Со цел да се заштити животната средина и да се спречи влевањето на најразлични видови на цврст отпад во водите на Охридското Езеро, општина Охрид започна со поставување на заштитни брани со мрежа на реките од езерското сливно подрачје.
– Ваква брана денеска беше поставена на реката Сушица, а во текот на наредниот период исти заштитни механизами ќе бидат поставени и на останатите речни корита, информираат од општина Охрид.
Работните активности за поставување на браните ги изведуваат екипи на ЈП „Градски гробишта“, а средствата се обезбедени од општинскиот буџет.
Извор и фото: Општина Охрид
Facebook Коментари