Со наслов „Преку разгледница до инклузија“, Порака Нова-Струга објави фото конкурс за фотографи, (аматери или професионалци) со што ќе бидат овековечени безвременските пејсажи и културното наследство на нашите прекрасни македонски дестинации и целиот регион заштитен од УНЕСКО. Освен естетска, конкурсот има и хумана мисија.
-Со своите дела фотографите ќе допринесат во една позитивна мисија, бидејќи продажбата на разгледниците ќе биде извршена од лица со попреченост, која ќе им помогне во нивниот самостоен живот, самовработување и социјализација. -информираат од Порака Нова.
Најдобрите 15 фотографии ќе бидат избрани за да се испечатат во форма на разгледници. Авторите на истите ќе добиваат 10% од секоја продадена разгледница и ќе бидат исплаќани на месечно ниво.
-Сите права и обврски ќе бидат регулирани со посебни договори со избраните фотографи по направената селекцијата. Нивното име, бренд/лого, вебсајт, ќе бидат додадени на задната страна на разгледницата. Преку целиот процес, фотографите и нивниот бренд ќе бидат промовирани преку кампањата за продажба-потенцираат од Порака Нова.
Додаваат дека сите пристигнати фотографии ќе бидат прикажани на виртуелна изложба на вебсајтот на Порака Нова и промовирани на социјалните медиуми.
Краен рок за аплицирање на конкурсот е 15 мај, а прогласување на победничките 15 фоторгафии ќе се случи на 25 мај.
Селекцијата ќе ја прави стручно жири составено од фотограф, археолог и културен работник.
Strugaonline
Facebook Коментари