Синоќа во Радожда беше промовиран “Пеколот на ангелот” роман првенец на писателката Славица Шајноска од Радожда

- Локални
1448

Синоќа во Радожда беше промовиран романот “Пеколот на ангелот” од современата македонска писателка Славица Шајноска од Радожда.

Станува збор за првенец-роман на младата Шајноска која го има неспорниот талент и голема дарба за пишување, преточен веќе во нејзиниот првенец роман “Пеколот на ангелот”. Роман кој што е лесно читлив и ја доловува сегашноста од нашето живеење, пред се на младите. Роман, што се чита во еден здив, роман што ќе стане семејна книга и лектира за сите генерации, со силна нишка дека дека секој чекор на младите низ нивниот живот за подобро утре е исполнет со многу предизвици. Роман кој што носи животна лекција, поука која вреди да остане длабоко во срцата на секој поединец

И двајцата промотори на книгата, поетот Митре Мангоски Радождански и новинарот Наум С. Кутаноски, и двајцата од Радожда, недвојбено го потврдија силниот талент на младата писателка Славица Шајноска, со силен впечаток дека станува збор за извонреден талент за пишување и дека пред Славица Шајноска патиштата на прозното остварување и творење се ширум отворени.

“Славица Шајноска има силна и вродена дарба за пишување, што го потврдува со овој нејзин првенец, но, и енергично го прифатила предизвикот за натамошно творење со силна желба дека прозното творешто ќе биде нејзин постојан животен предизвик”, речиси идентично и едногласно порачаа на промоцијата промоторите Мангоски и Кутаноски.

“Славица Шајноска од денес, со овој нејзин роман веќе влегува во редот на младите и надежни македонски писатели пред која претстои светла литературна иднина” – истакнаа промоторите Митре Мангоски Радождански и Наум С. Кутаноски.

Славица Жарко Шајноска од Радожда, е ученик во Општинското средно училиште “Нико Нестор” – Струга, економска струка. Кога животот приредува разни пречки, знае преку пишување да го искаже тоа што го чувствува и мисли, сочувствувајќи се со сите оние кои плачат нечујно, длабоко во себе. Никој да не почувствува колку всушност се кревки и можат да се скршат. Никој да не ги исмева за нивните емоции и чувства и да ги искористи нивните слабости. Листот и пенкалото се нејзините верни и ќе бидат вечни другари кои ги познава уште од мали нозе. Ужива во читањето книги, проследено со насмевки и солзи.

StrugaOnline

Facebook Коментари