SPARK WORKSHOP во Струга: Младите се повикуваат да се исклучат од екрани и да се вклучат во џудо

Струга ќе биде домаќин на инспиративна и интерактивна работилница посветена на здравите животни навики и физичката активност. Во рамки на SPARK проектот, на 28 јуни 2026 година (вторник), со почеток во 18:00 часот, во Europe House Struga ќе се одржи настан кој има за цел да ги мотивира младите да го заменат времето пред екраните со движење и спорт.

Под мотото „Исклучи се од екрани, вклучи се во движење – пробај џудо!“, учесниците ќе имаат можност да дознаат повеќе за влијанието на физичката активност врз здравјето, енергијата и менталната благосостојба. Преку практични примери и реални приказни, работилницата ќе понуди нова перспектива за значењето на движењето во секојдневниот живот.

Посебен акцент ќе биде ставен на џудото како спорт што не само што го зајакнува телото, туку и гради дисциплина, самодоверба и фокус. Присутните ќе можат да слушнат директно од искусни тренери и активни спортисти, кои ќе споделат корисни совети и сопствени искуства.

Говорници на настанот ќе бидат:
– М-р Ѓорѓија Стојанов
– Проф. Марин Билјановски
– Ацо Трца, активен ветеран член

Настанот е дел од SPARK проектот, иницијатива насочена кон промоција на здрави навики, физичка активност и општа благосостојба кај младите, со посебен фокус на боречките вештини како алатка за личен развој.

Организаторите ги повикуваат сите заинтересирани млади да присуствуваат и да направат чекор кон поздрав и поактивен начин на живот.

StrugaOnline