Поради проблем во одводот кај туш кабините и негова санација, базенот во Струга ќе биде затворен за посетители два дена, информира Јаков Попоски, вработен во базенот.
Тој појасни дека базенот се затвора превентивно заради зачувување на хигиената и санитарните услови, санацијата од страна на изведувачот започна денеска и се очекува да заврши за два дена.
– После официјалното отварање на Базенот се забележа дека одводот не функционра нормално и дел од сифоните почнаа да течат, поради тоа изведувачот ја исполнува обврската за санација во гарантниот рок, станува збор за мал зафат- изјави Попоски.
Затворениот пливачки базен во Струга, што дваесет години беше руина, на голема радост на стружани беше целосно реконструиран и официјално пуштен во употреба во декември минатата година.
За реконструкцијата беа инвестирани околу 99 милиони денари преку Агенцијата за млади и спорт, а предаден во сопственост на ЕСМ.
Strugaonline
Facebook Коментари