Вчера во Струга свечено беше отворено основното општинско музичко училиште.
,,Таму каде што се отвора едно училиште, се затвара еден затвор. Денеска пишуваме историја. Отворањето на основното музичко училиште е многу важен чекор за унапредување на образованието и културата, во Струга и пошироко. Денеска се докажа нашата упорност да го придвижиме градот напред, со музика и уметност, инвестирајќи и негувајќи нови таленти.,,-изјави на отворањето градоначалникот Рамис Мерко.
Во ова основно училиште настава ќе посетуваат над сто и петнаесет ученици.
,,Големиот интерес докажува колку голем и потребен чекор е отварањето на општинското основно училиште во Струга. Имаме три групи на македонски и три групи на албански јазик. Училиштето нуди деветгодишно, шестгодишно и тригодишно музичко образование. Ќе се изучуваат сите инструменти, а програмата е адаптирана на возраста на учениците и нивните музички афинитети“. -изјави за Strugaonline Алтин Зиба-директорoт на музичкото училиште во Струга.
Тој додаде дека најмногу интерес има за деветгодишното образование , односно за часовите по пијано и виолина.
Strugaonline
Facebook Коментари