Во понеделник, 25-ти ноември, во Клубот на пензионери во Вевчани ќе биде промовирана најновата по ред 20 –та книга „Дувни Дувни Ветренце“ од авторот Наум Попески. Книгата е наменета за најмладата популација.
На промоцијата која е закажана за 12:00 часот, покрај промоторите за авторот ќе зборува и неговиот соученик ,фото репортерот Стојан Кукунешоски од струшко Подгорци.
Наум Попески е роден во Вевчани, на 25-ти ноември 1947 година. Сега живее и твори во Скопје. Во родното место завршува основно образавоние, а гимназија во Струга. Потоа се запишува на Филолошкиот факултет во Скопје, на групата македонски јазик и книжевност. Во 1971 година е примен во редакцијата на „Нова Македонија“ каде што го мина целиот работен век, како новинар и уредник на додадокот за најмладите читатели „Колибри“.
Автор е на повеќе книги за деца, меѓу кои поетските збирки:“Ајде да растеме“,“Детелинка со четири листа“,“Изворчиња – поточиња“, “Една грешка – мака тешка“… Автор е и на првиот “Бонтон за деца“,како и “Дневникот на Мартина“,“Спомени во слики“ и друга детска литература.
Со името на Наум Попески, најмладите читатели се сретнуваат и во читанките по македонски јазик за основно образование.Овој истакнат македонски автор за деца е застапен и во други книги – антологии на литературата за деца, преведуван е на повеќе европски јазици, а чест гостин е и на разни меѓународни фестивали на литературата за деца.
Член е на Друштвото на писателите на Македонија.
Текст и фото: Стојан Кукунешоски
Facebook Коментари