Течат подготовките за големиот настан ,,Сите за Бојан“ што на 9-ти април ќе се одржи во Центарот за култура ,,Браќа Миладиновци“ во Струга.
Целта на хуманитарниот концерт е да му се помогне на нашиот сограѓанин, 23 годишниот Бојан Крстески кој е во болница во Рим и потребни му се средства за престој и лекување.
Поради голем интерес, билетите за настанот се пуштени во претпродажба во: Lounge bar Bograd, Мезе бар Кингстон, Кафе бар Барабар , Ултрас кафе (Игралиште ГРГ) и Кафе бар Пливалиште.
Покрај овие продажни места, ПХВ тимот на Црвен Крст Струга ќе се погрижи картите да бидат достапни и во околните села. Билети ќе има и на врата во Центарот за култура еден час пред настанот, но, организаторите аплерираат да побрзате бидејќи бројот на билети за овој хуманитерен концерт е ограничен.
На настанот ќе настапат Студио за танц ,,БАХ“, Balkan Jam, Ѓоко Танески & The Band, Drum&Scratch RootBoy & Aleksandar и Stand Up комичарот и актер Бојан Велевски.
Strugaonline
Facebook Коментари