Струга домаќин на Првата екипна шаховска лига на Македонија

Струга од 22 до 29 август 2026 година ќе биде домаќин на Првата екипна шаховска лига на Македонија во машка и женска конкуренција.

Натпреварите ќе се одржуваат во Хотел „Дипломат“, каде во текот на една недела ќе се соберат околу 150 шахисти, спортисти и членови на екипите од целата земја.

Со организацијата на ова значајно спортско првенство, Струга повторно се потврдува како град кој создава услови за одржување и развој на спортските настани, но и како место кое ги обединува спортистите и љубителите на спортот.

Првенството ќе се одржи во машка и женска конкуренција, а учесниците ќе имаат можност да ги покажат своите шаховски вештини, знаење и натпреварувачки дух.

Општина Струга го поддржува одржувањето на првенството, со порака дека вложувањето во спортот претставува вложување во луѓето, талентот и иднината.

„Секој спорт, секој талент и секој граѓанин кој придонесува за активен живот во заедницата заслужува поддршка и простор за понатамошен развој“, посочуваат од Општина Струга.

StrugaOnline