Претседателот на Албанија Илир Мета, вчера беше во посета на Општина Струга, каде се сретна со градоначалникот г. Рамис Мерко.
Претседателот беше пречекан од страна на функционери на локални и централни институции , пратеникот Агим Шаќири, како и преставници на други партии. На вчерашната средба како гостинка беше поканета и градоначалничката на општина Арачиново, Г-ѓа Миликије Халими.
Градоначалникот на Струга, Рамис Мерко му се заблагодари на претседателот Мета за оваа посета, ветена од времето кога г-дин. Мерко беше министер за странски инвестиции. Средбата ja отвори г. Мерко кој во кратки црти зборуваше за градот Струга, , населението, туристичката клима, традициите и политичката состојба во општина Струга.
Претседателот Мета изрази оптимизам во врска со преговорите со ЕУ, спорот за името и политичката ситуација во Македонија.
Тој исто така истакна дека оваа средба нема да биде последна и дека соработката со градоначалникот ќе продолжи и во иднина со цел Струга да стане пример за регионална соработка не само со Албанија, туку и со целиот регион, бидејќи ги има сите ресурси, капацитети и дека Струга е БРЕНД и дека тоа треба да искористи за доброто на Струга и нејзините граѓани.
Претседателот на Албанија, впечатоците за посетата на Струга ги сподели и на неговиот профил на Facebook:
– Во право се кога велат: „Кaкo Струга, нема другa”. Денес со градоначалникот на општината, мојот пријател Рамиз Мерко разговаравме за одличната перспектива на Струга, да биде развиен регионален туристички, културен и економски центар. Многу им благодарам на жителите на Струга за топлиот и братски прием, напиша Мета.
Strugaonline
фото: Општина Струга
Facebook Коментари