„Паразит“ е победник на Оскарите, освои четири награди од шест номинации

- 10/02/2020

- Свет

556

92. доделување на Оскарите се одржа ноќва во Театарот Долби во Лос Анџелес. Гледачите од нашата земја беа посебно возбудение поради двете номинации кои ги имаше македонскиот документарен филм „Медена земја“. Нашите претставници не се закитија со Оскар, но важно е дека стигнаа до директно учество на гламурозното доделување и блеснаа на Црвениот тепих, а светот ја разбра пораката од медената земја.

Јужнокорескиот филм „Паразит“ на режисерот Бонг Јон-хо е апсолутен победник на 92. Оскари, откако освои четири награди од шест номинации. „Паразит“ е најдобар филм, Бонг Јон-хо е најдобар режисер, а ги освои и Оскарите за најдобар странски филм и за сценарио.

„Паразит“ го доби престижното признание за за најдобар странски филм. За најдобар документарен филм е прогласен „Американска фабрика“, на Стивен Богнар и Џулија Рајнхарт.

Хоакин Феникс го освои својот прв Оскар, за улогатаво популарниот филм „Џокер“ а Рене Зелвегер доби Оскар за улогата на Џуди Гарланд во „Џуди“. Зелвегер има Оскар за женска споредна улога за „Студена планина“.

Бред Пит и Лора Дерн добија Оскари за најдобра машка и женска споредна улога во „Беше еднаш во…Холивуд“ и „Брачна приказна“.

Сер Елтон Џон синоќа доби Оскар за најдобра оригинална песна, а исландската композиторка Хилдур Гуднадотир Оскар за најдобра музика за филмот „Џокер“.

На овогодинешното доделување публиката можеше да види гламурозен изглед, несекојдневни креации и многу емоции на учесниците и наградените.