Премиерна соработка на продуцентот Ербил Џемоски со виолинистот Илир Хидри

Додека трае светската пандемија која донесе низа ограничувања во нашето секојдневие, ваквата состојба веројатно создаде дополнително слободно време за творење и креирање на уметниците. Таков е примерот и со младиот музички продуцент од Охрид, Ербил Џемоски, кој во соработка со виолинистот Илир Хидри кон крајот на април ja создаде  нова песна насловена “Hold me down”. Песната е издадена преку турската музичка куќа Road Story Records.

Во кусиот разговор со нас, Џемоски истакна дека отсекогаш бил фасциниран од комбинацијата на звукот на виолина и дип хаус и конечно преку соработката со успешниот охридски виолинист Илир Хидри успеал да си ја реализира долгогодишната желба преку новата песна “Hold me down”. Тој додава дека ова е само почеток на нивната соработка и можеме да очекуваме и нови заеднички песни и проекти со кои ќе ги добиваат симпатиите на слушателите.

Џемоски е сосема задоволен од добриот прием на новата песна која во првиот ден ја помина бројката од 10.000 слушатели, која веќе е и дуплирана и очекува позитивните реакции да продолжат.

Strugaonline