Стружанецот Ангел Стојкоски со нова авторска песна „За Илина“

Стружанецот Ангел Стојкоски продолжува со својата музичка креативност, претставувајќи ја својата најнова авторска песна насловена „За Илина“, која воедно е седма во неговата досегашна кариера.

Песната е резултат на успешна соработка со познати музички имиња. Текстот го потпишува Соња Дојчиновска, додека музиката и аранжманот во специфичен 9/8 ритам се дело на Златко Миладиноски, создавајќи динамична и емотивна композиција која, како што вели Стојкоски, „го разигрува секое срце“.

Видео записот за песната е реализиран во студиото на Balkan Music, каде, според пејачот, работела врвно професионална екипа.

Во видеото учествуваат и музичарите Марио Стојаноски на хармоника и Зоран Ратајкоски на саксофон, кои со својот придонес ја збогатуваат целокупната атмосфера на проектот.

„Искрено, задоволство е да се работи со продукција како Balkan Music, бидејќи нивната професионалност, посветеност и пожртвуваност се за поздравување“, изјави Стојкоски.

По промоцијата на „За Илина“, Стојкоски најавува дека продолжува со интензивна работа на нови музички проекти, авторски песни, како и формирање на нов бенд со кој планира активен настапувачки ангажман од наредната година.

StrugaOnline