РФМ ги стави во мирување сите натпреварувања што се во нејзина организација

Поради измените на Општиот протокол за организирање на спортски настани во услови на пандемија со COVID-19, кои се веќе објавен во Службен весник на  Реупублика Македонија ,Ракометната федерација на Македонија (РФМ) ги стави во мирување сите натпреварувања што се во нејзина организација.

– Ве известуваме дека натпреварите при национален систем на РФМ во Супер и Првата машка ракометна лига и натпреварите од женската ракометна лига се ставени во мирување. Мирувањето се должи согласно измените на Општиот протокол за организирање на спортски настани во услови на пандемија со COVID-19, објавен во Службен весник на Македонија. Апелираме до сите учесници на ракометниот спорт да се почитуваат сите препораки за превенција од вирусот.-се вели во соопштението од РФМ

Од таму додаваат дека  ќе ја следат состојбата и навремено ќе ги известуваат сите засегнати доколку се создадат услови за продолжување на активностите во рамките на РФМ.

Strugaonline