Утре во Струга се одржува Отворено Меѓународно триатлон првенство

- Спорт
194

Утре во кампот АС во Струга  ќе се одржи Отворено Меѓународно триатлон првенство.

Oрганизаторите очекуваат околу 200 натпреварувачи, тоа е всушност и дозволениот максимален број на трката од Меѓународен карактер. Ќе учествуваат членови на клубови од Хрватска ,Србија, Албанија, Косово, Бугарија, Словенија и членовите на нашиот струшки клуб.

,,Натпреварот е поделен во три стартови. Првиот е Елит категоријата или про, јуниорите ,кадетите и мастерс категоријата што започнува во 9:00  часот. Потоа, во 11:00 и 12:00 часот следуваат стартовите на постари и помлади пионери кои се едни од најинтересните и најбројни трки,со вкупно 60 деца во двете категории.,, -информира Никола Кутаноски, тренер во триатлон и пливачкиот клуб ,,3 Дисциплини“.

Земајќи ги во предвид големите успеси кои ги постигнаа членовите на неговиот клуб изминатиов период, тој има високи очекувања и за ова првенство.

,,Нашиот клуб е државен првак во повеќето категории во триатлон, дуатлон и акватлонот што се одржа прв пат оваа година. Доминирајќи во Македонија како први  во речиси сите категории, а вооедно и на Балканско ниво, очекувањата ни се да ги одбраниме шампионските титули во повеќето категории што ги имавме изминативе години, а вооедно и во останатите категории каде што бевме на второ и трето место. Очекувам да доминираме и повторно да бидеме апсолутни шампиони.,,-вели Кутаноски.

Организатор на ова отворено Меѓународно триатлон првенство е Триатлон и пливачки клуб 3Дисциплини од Струга кое што ова година слави пет години постоење, а претходно функционираше под друго име.

Првенството се одржува по деветти пат и е во рамки на редовниот календар на Македонија за триатлон.

Од сите одржани изданија, Струга беше домаќин седум пати, а Радожда два пати

Facebook Коментари