Црвен Крст Струга одржа две успешни обуки во Гимназијата „Д-р Ибрахим Темо“ во рамки на програмата ЦКА-ПХВ 2026

Во рамки на програмата „Промоција на хумани вредности“ – 2026 (ЦКА-ПХВ 2026), успешно беа реализирани две обуки во просториите на Гимназија „Д-р Ибрахим Темо“, со учество на 33 млади лица.

Обуките се одржаа на албански јазик и имаа за цел информирање, едукација и подготовка на младите за активно учество во заедницата, преку развивање на свеста за хуманите вредности, волонтерството и граѓанскиот ангажман.

Првата обука се реализираше на 16 февруари 2026 година, при што учесниците се запознаа со програмата ЦКА-ПХВ, нејзините цели, структура и начинот на функционирање. Посебен акцент беше ставен на значењето на волонтерството и активното вклучување на младите во иницијативи од интерес на локалната заедница.

Втората обука, одржана на 18 февруари 2026 година, беше посветена на темата „Изработка на мали проекти“. Во рамки на оваа сесија, младите ги научија основните чекори за креирање проектна идеја, планирање активности, дефинирање цели и организирање конкретни иницијативи што можат да се реализираат на локално ниво.

Организаторите изразија посебна благодарност до дисеминаторот Лулзана Даути Јусуфи за посветеноста, професионалноста и успешната реализација на обуките.

StrugaOnline