Светска премиера на настапите на техно-кралиците Нина Кравиц и Амели Ленс, на 14 и 15 јануари на ЕГЗИТ ТВ

- Забава
95

Светските премиери на незаборавните сетови на техно хероините Нина Кравиц и Амели Ленс од затворањето на Денс Арената во 2018 и 2019 година, како и ВР забавата во соработка со еден од водечките германски клубови „Бутсхаус“ со настапот на диџејскиот хаус-тандем aндхим“ се дел од ексклузивната програма за финалето на празничниот специјал „ЕГЗИТ ТУ 2021Откако во рамки на оваа програма на 31 декември беа емитувани некои од најдобрите настапи во историјата на главната бина на Фестивалот, по „Кјур“, „Продиџи“, специјалниот полноќен сет на Дејвид Гета и многу други, време е пред публиката ширум светот премиерно да ги претставиме светските ексклузиви од Денс Арената. Па така, во четврток 14-ти и петок 15-ти  јануари на „Фејсбук“ и „Јутјуб“ каналите на „Егзит“ Фестивалот, ќе бидат емитувани досега никогаш необјавените легендарни настапи со кои двете неприкосновени икони на Егзитовата најголема електронска бина ја затворија Денс Арена во 2018 и 2019 година. Во сабота 16-ти јануари публиката ќе има прилика да ја искуси иновативната нова форма на ВР забава во која ЕГЗИТ во соработка со клубот „Бутсхаус“ (Bootshaus) и иновативната платформа „Сансар“, го претставуваат виртуелниот жив настап на хаус мајсторите „андхим“.

Откако година дена претходно го затвори фестивалот и со тоа допринесе „ЕГЗИТ“ за своето издание од 2017 година да ја добие титулата Најдобар европски фестивал, Нина Кравиц во јули 2018 се врати во својот втор дом и уште еднаш доби чест да го има завршниот сет. Тоа летно утро, преполниот ров на Денс Арена дишеше како едно во повеќечасовниот сет на чиј крај, во атмосфера која дотогаш беше гледана само на големите рок-свирки, со овации извикувајќи го нејзиното име, публиката ја повика на бис кој Нина го обележа со култната трака  „Ghetto Kraviz“. Снимката од овој исклучителен настап за прв пат ќе биде јавно прикажана во четврток, 14 јануари во 20:21 часот и ќе го најави нејзиното повторно враќање на Петроварадинската тврдина за големата прослава на 20 роденден на ЕГЗИТ фестивал.

Настапот на Амели Ленс на Денс Арена во 2019 година, покрај исклучителниот сет, остана запаметен и по тоа кога оваа техно-дива, инспирирана од зедничката историја на групата „Продиџи“ и „Егзит“, на самиот крај ја пушти песната „Firestarter“, во чест на починатиот пејач на групата, Кит Флинт, што предизвика воодушевување кај целата публика. Интересен податок е дека ова е воедно и последната песна до денеска која е пуштена во рамки на фестивалот „Егзит“. Светската премиера на овој стрим ќе се емитува во петок, 15 јануари со поечток во 20:21.

Снимките од сетовите на Нина и Амели ќе може да се погледнат на Фејсбук страницата и Јутјуб каналот на ЕГЗИТ фестивал.

Водечкиот германски клуб „Бутсхаус“ од „Диџеј Маг“ листата,  неодамна покрена свое виртуелно издание, а во оваа прилика заедно со „ЕГЗИТ“ Фестивалот ќе биде домаќин на настапот на германскиот диџејски тандем  „андхим“. Во сабота, 16 јануари во 18:00, најновото шоу ќе ги понесе љубителите на квалитетен хаус звук во виртуелниот клуб „Бутсхаус“ во рамки на иновативната апликација „Сансар“. Гостите ширум светот ќе можат да влезат во просторот, да ги прилагодат своите лични аватари и да се препуштат, не само на настапот на главните ѕвезди, туку и на дружењето со другите посетители, па дури и во уживање во пијалоците на барот. Главните простории на клубот се точно реплицирани во виртуелното опкружување, а публиката може да ја очекува истата атмосфера по која клубот „Бутсхаус“ е познат. Виртуелната забава од „Бутсхаус“ ќе биде бесплатна и ќе може да се следи со помош на ВР очила на платформата на „Сансар“ преку лаптоп или компјутер и на сите уреди кои ја користат нивната апликација, на „Твич“ каналот на „Бутсхаус“ како и на сајтот на „ЕГЗИТ“ фестивал.

Големата прослава на 20-годишнината на ЕГЗИТ Фестивал ќе се одржи од 8 до 11 јули 2021 на Петроварадинска тврдина, а своите настапи веќе ги потврдија дел од најголемите светски и регионални имиња како што се Дејвид Гета, Диџеј Снејк, Тајга, Ерик Приц, Фоур Тет, Пол Калкбренер, Нина Кравиц, Борис Брејча, Шек Вес, Соломун, Сепултура, Метрономи, Лајбах и многу други.

Facebook Коментари