Секој ден, со почеток од 21 часот, на Фејсбук и Јутуб каналите на Таксират Фестивал, настапуваат најпопуларните музички изведувачи годинава.
Минатата недела, повеќе од 30 илјади гледачи низ светот ги следеа ексклузивните ПИН ТВ концерти на: Vydrapena Buzirka Punk System, победниците на Лузер Фест 2019 – Cut Your Nipple, Guacayo, ATNA, Shelter Boy, Ljubojna, Antonie Veskovski, Perija, Che Sudaka, Fulu Miziki. Истите се се уште достапни на нашиот YOUTUBE КАНАЛ и на FACEBOOK.
Денеска на ПИН ТВ ,,Молчат дома“
Иако основана во 2017-та година во Минск, Белорусија, групата Молчат Дома со својот звук не’ враќа директно во 80-тите. Нивната музика се наоѓа некаде на пресекот помеѓу пост-панк, њу вејв и синт-поп – мрачна, но игрива. На почетокот на нивната кариера, беа споредувани со најпознатите бендови од 80-тите како Joy Division, а со текот на времето Молчат Дома создадоа свој и препознатлив звук.
Нивниот втор LP, “Этажи”, објавен во 2018 година, е распродаден во повеќе од 10.000 примероци и во моментов се подготвува за повторно издавање поради голема побарувачка. А, песната „Судно“ е на врвот на глобалните плејлисти на Spotify уште од април 2020-та година.
Вечер, со почеток од 21 часот, може да го гледате нивниот настап, ексклузивно изработен за Таксират & ПИН ТВ на:Таксират & ПИН продолжуваат со својата музичка програма до 29-ти декември. Ќе ги гледаме настапите на Alexia C, Yon Idy, Superhiks, Dzambo Agusevi Orchestra, Bernays Propaganda, Toka Shitet, Djaikovski, Crook The Kid, Bohemian Cristal Instrument & Funky Fresh!
Facebook Коментари